Moeilikheid is ons besigheid! met Jaco Strydom

Jaco Strydom gesels met Henning Mostert in Ghanzi

Henning Mostert is een van daai mense wat jou beter laat voel oor die wêreld, die kerk, jouself en sommer die hele lewe. Hy is dominee op ’n klein dorpie in Botswana, maar ook ’n meganiese ingenieur, met ’n Meestersgraad in Veeartsenykunde en hy kan orrel en klavier speel en hy hou van seil — and that's just scratching the surface! 

“Ghanzi is net mooi in die middel van alles,” lag hy. “Ons is 1000km van Swakopmund af en 1000km van die Victoria meer af, 1200km van die Vrystaat, 1000 van Johannesburg 1500km van die Kaap.”

 

 

Kyk uit vir artikel en fotos in Kerkbode

Borg 'n bed in een van ons Echo-huise

Jaco Strydom gesels met Ben en Elise Klut oor kerkwees in die stad en die berge

Hulle het mekaar in die hart van Hillbrow ontmoet. Vandag kerk die twee tussen die berge. Die gemeente waarvan hulle deel is, is in Winterton in mooie Noord Natal, aan die voet van die Dransberge.

“Ons het begin dink dis dalk tyd vir ’n skuif. Toe op ’n dag besluit ons, ons gaan net een CV opstel en sê: ons is ’n package-deal, so of julle vat ons altwee of nie een van ons nie! So toe het hierdie gemeente een dominee-pos in twee gedeel sodat ons elkeen nou ’n halwe pos het ..."

 

Kyk uit vir artikel en fotos in Kerkbode

Borg 'n bed in een van ons Echo-huise

Jaco Strydom gesels met Charlene Grobler

Charlene Grobler is die hoof van Jakaranda en Louis Botha kinderhuise. Jakaranda huisves 200 kinders in 20 huise; Louis Botha 90 kinders in 9 huise. Hulle het 10 maatskaplike werkers en ’n groot klomp ander personeel. 

“’n Skoolhoof het een keer vir my gesê, moeilikheid is jou besigheid Charlene! My groot werk is om mense te bestuur en te ontwikkel en die regte sisteme in plek te sit.”

Hoe lyk jou tipiese dag? vra ek.

“My tipiese dag is redelik nag!” lag sy . . .

Lees artikel in Kerkbode

Scherlize se Ysterplaat storie

“Toe dink ek, ja, die saal word nou gebruik en die verhoog lankal ingerig in kamers waar van ons mense bly. Wat kan ons nog gebruik? Ons stoor is nou klaar die kantoor, die ander kantoor is al die maatskaplike werker se plek, Hendriko bly reeds backstage in een van daai ou aantrekkamers, die gat onder die verhoog is die huiswerkkamer en die ou moederskamer is die crèche . . . Wat is daar nog? Toe dink ek, wel, daar is ’n oop stuk teer agter die kerk, en dít  word nog nie gebruik nie., So toe kry ons containers en omskep hulle in ’n koshuis vir die baie van ons kids wat sukkel by hulle huise . . .” vertel Scherlize van der Merwe . . .

Meer oor Isibindi

Lees artikel in Kerkbode

Stefaans se nuwe lewe is vol boeke

Sy lewe lees soos ’n storie vol erg uiteenlopende genres. En dis ’n verhaal vol eens ondenkbare verassings wat steeds besig is om geskryf te word. 

Baie het gebeur in die nege jaar ná Stefaans Coetzee vrygelaat is.

Daar was ’n tyd toe jy, as jy sy naam hoor of iewers iets oor hom raaklees, dadelik gedink het aan die verregse tiener bomplanter wat lewenslank in die tronk sit. Toe breek daar ’n nuwe tydperk aan. ’n Tydperk waarin hy bekend word as die ou wat ’n nuwe lewe begin het, wat groentetuine plant in die plakkerskampe en opstaan teen rassisme en ongeregtigheid in Suid-Afrika — Stefaans is na 18 jaar vrygelaat toe van sy slagoffers en hulle familie hom bevriend het en ’n versoek gerig het vir sy parool. 

Vandag wanneer iemand die naam, Stefaans Coetzee, hoor is die kans goed dat hy of sy dink “dís mos die boeke-man!”

dscoetzee22@gmail.com

Kyk uit vir artikel en fotos in Kerkbode

Borg 'n bed in een van ons Echo-huise

Jaco Strydom gesels oor DAKA

"En nou gaan ek jou die storie vertel van my dood en hoe ek die

hemel en die hel van solitary confinement in die wildernis ontdek

het - en  hoe ’n waterwese my gered het . . ."

Penguin Random House, Luca
Exclusive Books, Bargain Books, Graffiti . . . 
LifeFM ondehoud 21/6/2024

Borg 'n bed in een van ons Echo-huise

 

 

 

Jaco Strydom gesels met Jacqueline De Lange - Moeder Teresa van die Moot

Reeds vroeg in haar lewe het sy kennis gemaak met die wrede kant van die lewe en ’n belangrike besluit geneem.

Die storie oor haar kinderjare is tragies, om die minste te sê. Maar ironies genoeg — omdat haar verhaal nie daar eindig nie — is dit ook dié tipe storie wat jou weer in God se goedheid laat glo, en aan die wonderwerk van ’n nuwe begin en dat die lig steeds mag het oor duisternis  . . .

Die lewe maak jou bitter of beter. Jacqueline het beter gekies . . .

Kontak Jacqueline: jacqueline.delange43@gmail.com

Kyk uit vir artikel en fotos in Kerkbode

 

Jaco Strydom gesels met Jan Venter oor rugby op Clarens - onder andere

Clarens is nie net ’n mooi plek nie, daar gebeur ook mooi dinge! Soos die storie van die Clarens Eagles.

. . . toe Jan weer sien was hy nie net die nuwe dominee op die dorp nie, maar ook die afrigter van ’n rugbyspan bestaande uit jongmanne waarvan meeste nog nooit voorheen op ’n rugbyveld was nie . . .

Clarens Eagle op FB

Kyk uit vir artikel en fotos in Kerkbode

Jaco Strydom gesels met Sharaine Steenberg wat in Nieu-Seeland woon

“As dit maklik is doen jy dit verkeerd!” sê Sharaine Steenberg.

“Na 8 jaar dink ek nog baie daaraan om eerder terug te gaan Suid-Afrika toe. Ons het getrek vir 'n toekoms vir ons kinders, en sodat ek naby my ma kan wees - hulle het ’n jaar voor ons getrek. Maar nou dat ek terugkyk, was dit regtig God se plan vir ons. My impulsiewe, en somtyds selfsugtige, neigings het gemaak dat ons op die vliegtuig geklim het, maar sonder om cheezy te wees, God is die een wat my hier hou.”

Sy sê die groot besluit is op die ou einde nie om te trek nie, maar om te bly. Want ’n mens wil heeltyd weer terugtrek Suid-Afrika toe . . .

 

Kyk uit vir artikel en fotos in Kerkbode

Borg 'n bed in een van ons Echo-huise

 

 

 

 

Jaco Strydom gesels met die mense van NetACT in Nairobi, Kenia

“Waarom doen ek dit? Liefde vir Afrika! En omdat God se liefde my dring. Ek ontdek soveel van myself, van ander mense en van God in hierdie betrokkenheid in Afrika,” sê Hannes Theron, die programkoördineerder van NetACT. 

“Ek is eintlik 'n gerehabiliteerde pensionaris,” lag hy en vertel dat hy nooit gedink het hy gaan op sy ouderdom weer 'n draai in die akademie maak nie. Hy was onder andere voorheen predikant by Helderberg gemeente in Somerset Wes en is onlangs bevestig by NG Gemeente Constantia. 

Ons gesels in die eetsaal van die Pan Africa Christian University in Nairobi. Saam aan tafel, is Nico Mostert en Daniël de Wet, ook dominees en, soos Hannes, ook deel van NetACT . . .

 

 

Kyk uit vir artikel en fotos in Kerkbode

Borg 'n bed in een van ons Echo-huise

 

 

Jaco Strydom gesels met Peet Botma wat oor die Atlantiese Oseaan geroei het

“My boot was rooi van die sand, so ook al die vlaggies op die dek, én my sonpanele. En dis nie goed nie! Want jy is ongelooflik afhanklik van die paar elektroniese goed op die roeiboot,” vertel Peet Botma. Dit was sy tiende dag op die Atlantiese oseaan, reeds meer as 700km van die naaste droë grond af. Daar was 'n sandstorm in die Sahara Woestyn en die Oostewind het dit die diepsee in gewaai. 

Christopher Columbus draai sekerlik in sy graf om, het ek gedink toe ek dié storie hoor. 

Hy sou dit eenvoudig nooit kon glo nie. Dat iemand presies dieselfde roete as wat hy in 1492 geseil het, oor die ganse Atlantiese Oseaan, manalleen, in 'n roeiboot sou roei! Net soos Columbus het Peet op die Kanarie Eilande naby Marokko weggespring en eers weer voet aan land gesit op die Karibiese eilande, 4800km verder, reg bokant Suid-Amerika - as gevolg van die seestrome en die wind moes hy op die ou einde meer as 5200km roei. Dit het 45 dae gevat . . .

https://freedomrower.co.za/

Kyk uit vir artikel en fotos in Kerkbode

Borg 'n bed in een van ons Echo-huise

Jaco Strydom gesels met Johan Erasmus

Johan Erasmus is die leier van 'n geloofsgemeenskap genaamd, Dialogue Community, en een van die stigterslede van Betereinders. Hy vertel hoe hy na skool teologie wou studeer. Maar, soos dit daai jare op Potchefstroom gewerk het, moes hy eers 'n paar vrae van die kuratorium-ooms antwoord. Toe die een dosent vra, waarom hy teologie wil studeer, het hy geantwoord: “want ek wil sien of dit waar is.” Dit was die verkeerde antwoord, toe gaan swot hy geskiedenis en filosofie . . . 

Kyk uit vir artikel en fotos in Kerkbode

Meer oor Dialogue Community

 

Borg 'n bed in een van ons Echo-huise

 

Katleho Ncaphe

"For me to be confirmed as the service minister in NG Kerk is the continuation of what God started before I was born. I am just becoming part of the big picture of God. One wagon of the laager has made space for those, who they used to only reach out too by going on outreaches, but were never included inside the laager. And this for me is the manifestation of God's divine grace. The language of the true kingdom is love that goes beyond color race or gender . . . "

More about PEN 

Kerkbode

Maartje en Zander van der Westhuizen

Maartje van der Westhuizen is pas verkies as assessor van die algemene sinode. Sy is  predikant by NG kerk Elarduspark. Zander is predikant by NG Gemeente Tygerpoort;  hy is 'n dominee, radio-omroeper by Groot FM, musikant, skrywer en dien op die Oostelike Sinode se SDR. Om net 'n paar dinge te noem . . .

Kyk uit vir artikel en fotos in Kerkbode

 

Borg 'n bed in een van ons Echo-huise

 

Jaco Strydom gesels met Stephan De Beer

Ek wens meer dominees en pastore wil na die ou luister sê iemand nou die dag, en ek onthou 'n ander ou wat eenkeer opgemerk het: “David Bosch is dood maar ons het darem nog vir Stephan De Beer!”
   Ek vra hom waar alles begin het.
  “Die grootste draaipunt was die Elim-kerk in Sunnyside wat afgebrand het op 12 Maart 1992. Dit was ’n skuiling vir straatkinders wat ek help begin het. Agt seuns is die aand dood . . .

Kyk uit vir artikel en fotos in Kerkbode 

Jaco Strydom gesels met Johan Robyn

“Ek het diep in die oë gekyk van daai ouens wat die gun op my gehad het en ek het regtig daai dag die pyn van armoede gesien, die pyn van swaarkry, die pyn van dis kersfees en ek moet iets huis toe vat ek moet iets hê om vir my kinders te gee,” sê Johan Robyn wat die laaste 23jaar in Hillbrow werk . . .

Kyk uit vir artikel en fotos in Kerkbode

Jaco Strydom gesels met Rethie Van Niekerk

“Ek dink daai broosheid wat ek ervaar het, het my op 'n fundamentele manier gevorm. Ek het geleer om dit te embrace. In daai hele tyd wat ons werkloos was, het ek dit as my taak begin beskou om te werk daaraan om nie hard te word nie. Om sag te bly en toe te laat dat die seerkry my mooi maak. Eerder as lelik. Dis nie eenvoudig nie. Dis vrek harde werk. En om nie bitter te raak nie! Maar ek dink daai broosheid is nou deel van my menswees. Ek verstaan dat die lewe gebeur en dat dit seermaak en dat ons nie altyd in beheer is nie, maar ook van deernis hê . . . "
Kyk uit vir artikel en fotos in Kerkbode

 

Borg 'n bed in een van ons Echo-huise

 

 

 

Jaco Strydom gesels met Niel en Marietjie Steyn

Marietjie is 'n dominee by die oudste kerk in die land en Neil die leier van een van die jongste geloofsgemeenskappe, Isibindi . . .

Kyk uit vir artikel en fotos in Kerkbode

 

Isibindi

Jaco Strydom gesels met Ruhan Fourie

Die kerk was nog nooit goed met mag nie, en politici het 'n manier om godsdiens tot voordeel van hulle eie groep te manipuleer. Ek voel effe deurmekaar oor die saak en besluit om raad te vra by dié een ou wat ek ken wat die meeste van sulke dinge weet.  

Ruhan Fourie, is 'n historikus in Bloemfontein wat al heelwat geskryf het oor die geskiedenis van die NG Kerk en die politiek in Suid-Afrika; hy is tans juis besig met die skryf van 'n boek oor die NG Kerk en die Rooi Gevaar. ’n Artikel op sy blog oor hedendaagse politici se verhouding met kerkgroepe het onlangs weer gesprekke op RSG en ander plekke ontketen.  

“Wel, of dit nou destyds was om apartheid of kolonialisme 'n morele legitimiteit te gee, of later om teen onreg te praat, soos byvoorbeeld by mense soos Beyers Naudé, die kerk en politiek in Suid-Afrika is nog altyd diep verweef met mekaar,” sê hy . . .
Kyk uit vir artikel en fotos in Kerkbode

 

Borg 'n bed in een van ons Echo-huise

 

 

Jaco Strydom gesels met Hanneri De Wet

Sy vertel stories met fotos . . .

 

Kyk uit vir artikel en fotos in Kerkbode

 

Borg 'n bed in een van ons Echo-huise

 

Jaco Strydom gesels met Ronell Bezuidenhout

“Ek is gebore in Welkom, op 'n dag dat dit gesneeu het in Augustus, en vir 'n oomblik is ek omgeruil en vir die verkeerde ma gegee.  My eerste moedersmelk was dus van  'n ‘Mev van Vuuren’ af en nie van Mev Bezuidenhout nie; en van daai dag af was ek reeds ‘anders’,” vertel Ronell.
   Sy was deel van die eerste groep vroue wat destyds in die NGKerk bevestig is as predikant. Ronell het deur die jare 'n hele lot boeke geskryf, kursusse ontwikkel, sy skilder ikone, is vandag 'n predikant in die Lutherse kerk . . . 

Kyk uit vir artikel en fotos in Kerkbode

Ronell se Blog

 

Borg 'n bed in een van ons Echo-huise

Jaco Strydom gesels met Ivor Swartz en Rudi Swanepoel

Nie vervelige mense nie! Jaco Strydom gesels met Ivor Swartz en Rudi Swanepoel oor hulle 2de TV reeks en die paradoks van dominee- en kerkwees in Suid-Afrika vandag. 
Kyk uit vir artikel en fotos in Kerkbode

 

Borg 'n bed in een van ons Echo-huise

 

Jaco Strydom gesels met Eddie Le Roux

Eddie Le Roux gesels oor sy pad met die kerk, letterlik 'n dag na hy afgetree het as predikant. 

Kyk uit vir artikel en fotos in Kerkbode

 

Borg 'n bed in een van ons Echo-huise

Danie en Esther Van Niekerk, vreemde wesens wat die wêreld ’n beter plek maak

“Waar is Danie . . . en waar is ons kruiwa?” het Esther gewonder. 

Meer en meer desperate, moeë, moedelose vlugtelinge uit Sirië het elke dag deur hulle stad beweeg. En waar was Danie? Hy was besig om oumense wat te swak is om te loop oor die grens te stoot in hulle kruiwa. 

Masedoniërs groet mekaar met die woorde “каде си?” (uitgespreek “kade si?”) wat beteken “waar is jy?” Danie en Esther van Niekerk het besluit om doelbewus met hulle lewens hierop te antwoord: “Ons sal wees waar die moeilikheid is!” . . . 

Kyk uit vir artikel en fotos in Kerkbode

Ondersteun Danie en Esther se bediening: danie@ourcalling.co.za

 

 

Jaco Strydom gesels met Danie Mouton oor sy pad met die kerk

“Die skool se leuse was ‘Ons eie eerste’, 'n leuse waarvan ek my hele volwasse lewe probeer afskeid neem,” sê Danie.

Hy was al oral betrokke in die kerkomgewing, van gemeente dominee en hoof van 'n kinderhuis tot die direkteur van Bybel-Media, om net 'n paar plekke te noem, tans is hy die uitvoerende beampte van die Sinode van Oos-Kaapland.

Hy is hoopvol oor die toekoms, sien 'n klomp mooi goed raak en sê hy is veral opgewonde oor nuwe jong leiers in die kerk . . . Kyk uit vir artikel en fotos in Kerkbode

 

Borg 'n bed in een van ons Echo-huise